“lilian 分享 (2019-08-07)”

愛是什麼?

有個故事想同大家分享，有個家庭家中有兩個小朋友，父母帶他們到公園去玩，Ａ小朋友走到公園，看了看，說好靚呀啲花，等我採一些返去放响屋企咁我可以日日都可以欣賞到啲咁靚既花先。跟住就採咗拿去給父母看，問父母，我採的花，靚嗎？父母說靚！另一個Ｂ小朋友走到公園，看了看，同樣說好靚呀啲花，跟住Ｂ小朋友便走開，去了洗手間，回來時，父母問你去了那裡，小朋友回答佢去咗洗手間攞啲水，父母問你攞啲水嚟做咩？小朋友再答佢要用嚟澆灌啲花，讓佢哋生得更靚。這個故事，大家會覺得那個小朋友最懂得愛？哩個故事其實想話愛係唔需要擁有，愛可以係保護／照顧。　

姐弟間的愛

2年前Minnie的生日，我帶佢去揀個生日蛋糕，我話你鍾意邊個生日 蛋糕你就揀吧。到最後佢揀咗一個Star War蛋糕，蛋糕中間有個白武士玩具。我就奇怪地問Minnie，你點解唔揀一個你自己鍾意的公仔蛋糕。Minnie答我：細佬好想要，生日蛋糕切完，中間個白武士玩具可以送畀細佬。我聽到好感動，可能我自己都做唔到。耶穌既愛就咁種入咗佢既心裡面，雖然佢哋日夜不停打交嘈交都好。但都係愛對方的。愛唔需要一定擁有，有時給對方的愛，更能體會那份愛。

有次我問Minnie，雪糕同細佬，你只可以揀一樣，你會揀邊樣？　Minnie答我：當然揀細佬。　細佬得一個！　Minnie可能係家姐但比較成熟，明白個中道理。　我同樣要問番臻臻同樣既問題，但自己心裡諗，臻臻咁鍾意食嘢，雪糕係佢至愛，佢一定揀雪糕。一路行去奶奶家時一路問自己係咪要問臻臻哩個問題，Leo就話試下問，睇下臻臻有咩答案。到我哋接到臻臻之後，問佢：雪糕同家姐，你會揀邊樣？佢諗咗一諗，毫不猶豫咁答我，我要家姐。家姐重要啲。我鬆一口氣。姐弟間既愛，好比天父同我哋之間既愛一樣

(哥林多前書１３：４－８)
愛是恆久忍耐，又有恩慈。愛是不嫉妒，不自誇，不張狂，不做害羞的事，不求自己的益處，不輕易發怒，不計算人的惡，不喜歡不義，只喜歡真理；凡事包容，凡事相信，凡事盼望，凡事忍耐，愛是永不止息。

神是愛的源頭

神按著祂的形像和樣式造人，不僅我們的外表像神， 因此，人要有愛才得以 完全。世界的愛不能 滿足我們，惟有來自基督的愛，才能讓人享有真正的喜樂和 幸福。 神就是「愛」。

約翰福 音三章16節︰「神愛世人，甚至將祂的獨生子賜給他們，叫 一切信祂的，不致滅亡，反得永生。」

這段經文可以證明神 的愛，祂預定讓耶穌基督釘死在十字架上，好完成人類的救 贖，都是發自這份亙古不變的愛。 我們可以說，基督信仰是始於愛，也終於愛 因此神的兒女都要時常被愛充滿。

學習愛和依靠天父

由結婚到兩個小朋友既出世，天父讓我們响當中學習愛和依靠天父。 結咗婚好耐都未有小朋友，我哋夫妻二人學懂不住的禱告，天父會响適當時間會為我們安排最好既出現。就好似以色列人在埃及地等了430年，上帝才找摩西帶以色列人出埃及。好多時我哋都會遲遲未得到上帝既回應，但我哋滿有信心的信靠及盼望。最終得到第一個小朋友。生咗Minnie不到５個月後，我又有咗臻臻。你求一個，上帝畀夠兩個我們。豐豐足足的，滿有恩典！

到小孩子們慢慢成長，他們不知不覺當中學到不同既愛。還記得由小孩懂事起去旅行，幾乎每次旅行前臻臻都會發燒，Minnie就會主動提出我哋一齊祈禱，希望臻臻能夠退燒上到飛機。Minnie學始學懂依靠上帝。上帝既聖靈種籽就栽種咗响Minnie裡面。 雖然一直都食住退燒藥，但每次臻臻都係能夠同我哋如期出發。兩個小朋友懂得依靠天父，把一切交托。

馬太福音 21:22
你們禱告 ，無論求甚麼，只要信 ，就必得著 。

讓我既下一代去認識上帝

我好深刻印象 在五年前, 我一個人開車帶住兩個小孩去黃金海岸沙灘玩沙。因要泊車先可以去沙灘玩，兩個小朋友坐响車上好著急，等極都無車位可以泊到車。Minnie提議我哋不如一齊祈禱。我話好呀，咁我哋一齊祈禱希望天父為我們安排。大概１０分鐘後，有一對夫婦主動走埋嚟問我哋係咪要泊車，哩對夫婦我哋完全唔識的。兩個小朋友立即開心話，天父聽到我哋祈禱。接著我哋就去沙灘玩沙。玩到差不多，我哋就上車，隔咗一陣，傾盘大雨。我同小朋友講天父唔只為我們安排咗車位，佢亦保守我哋唔洗淋雨。上帝讓我哋經歷的都印响我哋同小孩子既心裡面。我好感恩，我有機會認識主耶穌，亦能讓我既下一代去認識哩位獨一而又真實既上帝。

常親近神

上帝往往讓我哋响日常生活中去經歷佢既存在。只要我們時常親近祂，服事祂，讚美衪，感謝衪，衪的恩典會沛然臨到我們。將生命的焦點對準上帝。感謝上帝揀選我哋成為佢既子民, 這一切都係因為衪的愛。

約翰一書4:19 
我們愛， 因為神先愛我們。